വിവരാവകാശം
പൊതു അധികാര സ്ഥാപനങ്ങളുടെ കൈവശമുള്ള വിവരങ്ങള് എല്ലാ പൌരന്മാര്ക്കും ലഭ്യമാക്കുന്നതിനും പൊതു അധികാര കേന്ദ്രങ്ങളുടെ പ്രവര്ത്തനത്തില് സുതാര്യതയും വിശ്വാസ്യതയും വര്ദ്ധിപ്പിക്കുന്നതിനും ജനങ്ങളോടുള്ള ഉത്തരവാദിത്വം നിലനിര്ത്തുന്നതിനും അഴിമതി നിര്മ്മാര്ജ്ജനം ചെയ്യുന്നതിനുമുള്ള വിവരാവകാശ നിയമം 2005 ഒക്ടോബര് 12 മുതല് പ്രാബല്യത്തില് വന്നു. ഭരണഘടനാ പ്രകാരമോ ലോകസഭയുടെയോ നിയമസഭകളുടെയോ നിയമം വഴിയോ സര്ക്കാര് വിജ്ഞാപനം വഴിയോ നിലവില് വന്നതോ രൂപീകരിക്കപ്പെട്ടതോ ആയ എല്ലാ അധികാരികളും, സ്ഥാപനങ്ങളും സര്ക്കാരില് നിന്നും ഏതെങ്കിലും തരത്തില് സഹായധനം ലഭിക്കുന്ന സര്ക്കാര് ഇതര സംഘടനകളും ഈ നിയമത്തിന്റെ പരിധിയില് വരും. സര്ക്കാര് സ്ഥാപനങ്ങള് , സര്ക്കാര് സഹായധനം നല്കുന്ന സ്ഥാപനങ്ങള് എന്നിവയുടെ അധീനതയിലുള്ള ഒരു ജോലിയോ, പ്രമാണമോ രേഖയോ പരിശോധിക്കുന്നതിനുള്ള അവകാശം, രേഖയുടെയോ പ്രമാണത്തിന്റെയോ കുറിപ്പുകളോ സംക്ഷിപ്തമോ എടുക്കല്, സാക്ഷ്യപ്പെടുത്തിയ പകര്പ്പുകള്, ഏതു പദാര്ത്ഥത്തിന്റെയും സാക്ഷ്യപ്പെടുത്തിയ സാമ്പിളുകള് എടുക്കല്, കമ്പ്യൂട്ടറിലോ അതുപോലുള്ള മറ്റു ഇലക്ട്രോണിക് സംവിധാനങ്ങളിലോ ശേഖരിച്ചുവെച്ചിട്ടുള്ള വിവരങ്ങള്, പ്രിന്റൌട്ടുകള്, ഫ്ലോപ്പികള്, ഡിസ്കുകള്, ടേപ്പുകള്, വീഡിയോ കാസറ്റുകള് മുതലായ രൂപത്തില് പകര്പ്പായി ലഭിക്കാനും ഏതൊരു പൌരനും അവകാശമുണ്ടെന്ന് നിയമം വ്യവസ്ഥ ചെയ്യുന്നു. എല്ലാ സര്ക്കാര് ഓഫീസുകളിലും പബ്ലിക് ഇന്ഫര്മേഷന് ഓഫീസര്മാരെയും അസിസ്റ്റന്റ് പബ്ലിക് ഇന്ഫര്മേഷന് ഓഫീസര്മാരെയും നിയോഗിച്ചിട്ടുണ്ട്.
ഗ്രാമപഞ്ചായത്ത്
- പബ്ലിക് ഇന്ഫര്മേഷന് ആഫീസര് - ആദിത്യന് എ, സെക്രട്ടറി ഉദുമ ഗ്രാമപഞ്ചായത്ത്
- അസിസ്റ്റന്റ് പബ്ലിക് ഇന്ഫര്മേഷന് ആഫീസര് - വിനുകുമാര് സി വി, ജൂനിയര് സൂപ്രണ്ട്, ഉദുമ ഗ്രാമപഞ്ചായത്ത്
- അപ്പലേറ്റ് അതോറിറ്റി – അസിസ്റ്റന്റ് ഡയറക്ടർ തദ്ദേശസ്വയംഭരണ വകുപ്പ് കാസർഗോഡ്